Winter

想學新嘅畫風, 劃咗七,八幅先有一幅算叫做見得人...🤯🤯🤯
劃畫又好,減肥又好,如果只係用翻現有嘅方法同模式,又點可以奢望有新嘅效果呢？🤔
改變總會有困難,有可能失敗.
但係失敗又如何？失敗多幾次又如何？
過程中,你真係一啲嘢都冇學到,進步到？🧐

月野兔 Sailor Moon

一種永遠都有市場嘅漫畫/動畫故事就係「有個細路發現自己有特異功能」.

小忌廉,叮噹,忍者小靈精,Q太郎,甚至Harry Potter... 隨口噏都一大堆.

(咁好明顯 美少女戰士 係表表者之一啦)

而呢類型嘅故事主角大部份都係 "冇乜過人之處", "讀書唔掂", "平平無奇"... 

但係就一定「心地善良」😇😇😇

原因好簡單,因為大多數嘅人都覺得自己即使乜都唔叻,都至少「心地唔壞」...

你可以話呢種故事不設實際, 推崇一種「等運到」嘅心態...

但諗深一層, 通往創意嘅空間不可或缺嘅,正正就係幻想嘅隨意門...

都係嗰句,「如果冇夢想,同條鹹魚有乜分別？」👻👻👻

愛野美奈子 Sailor Venus

有睇過 Sailor Moon 嘅, 都會覺得愛野美奈子 同 月野兔 好相似,甚至有啲多餘...
兩個都係讀書唔掂, 論論盡盡, 成日發白日夢,又係靠隻猫 😺...

厡因係作者武内直子 未諗到 美少女戰士 呢本代表作之前, 係先出咗幾期 Sailor V 做雛型.

「既生瑜，何生亮？」係羅貫中 為咗屈周瑜做反派而加插嘅對白...
講到 Sailor Venus, 就用一句 「既生V，何生Moon？」😅😅😅

雖然結果由主角變配角, 公主變跟班, 但從本人嘅非正式統計 (即係身邊幾個女同學), 美奈子 係(遠)比月野兔 受歡迎. 大膽推測應該同周慧敏 有關.... 👩👩👩

C'est la Vie ~ Sailor V... 👸👸👸

水野亞美 Sailor Mercury

當年,買咗 美少女戰士 第一期,就不停地'抄'住唻學劃... 🖌🎨
可能因為 水野亞美 髪型係短頭髮,感覺上容易學啲.💇💇💇
但係,九成係因為佢係繼主角後第二個登場,而佢係比 月野兔 可愛得多...
性格溫和,處事冷靜,IQ爆棚,點講都赢半條街啦... 🏊🏊🏊🏆🉇

如果唔係睇電視版,都唔知道佢嘅絶招"皂泡紛飛"個"皂"字係點讀... 🤔

木野真琴 Sailor Jupiter

每個組合都會有個「非主流」角色，而 美少女戰士 嘅代表應該係木野真琴 啦。💪

漫畫嘅角色就暗示佢比較男人婆，因為佢最好打，身材最高（5”6 好標準呀），但係又熱心照顧其他人，仲要識煮飯喎！🍱
咁，其實佢係咪應該算「剛中帶柔」，甚至「賢良淑德」呢？👰👰👰

平心而論，中學都未讀完就識做家頭細務煮便當俾人做lunch嘅靚女，你話邊度揾？😂😂😂

火野麗 Sailor Mars

八,九十年代嘅細路,大多數都係放咗學就趕番屋企睇卡通片...
講到當中嘅經典,應該冇乜邊個唔識得美少女戰士 Sailor Moon!!!

雖然係少女漫畫嘅表表者,但當年嘅男觀眾係絶對唔少嘅... 😀

根據非正式統計(即係身邊幾個宅男),男fans都對主角月野免 冇乜興趣. 大致上都分流到水野亞美 或火野麗 兩大陣營. 亞美 就聰明,文靜,可愛型, 而火野麗 則高貴,優雅,性感型.
加上變身後嘅火星水手服係著高踭鞋, 所以 Sailor Mars 係佔盡優勢, 喺男士們心目中最受歡迎嘅戰士!!! 💃💃💃

當年美少女戰士 令我沉迷地學劃日本風格嘅漫畫, 講吓講吓就廿幾年啦...
今日再劃,可以唔再倚賴黑白線條唻表達, 步向以光影為重嘅思維.

最重要係,可以追上宜家嘅泳裝女神標準,變成有馬甲線嘅 Sailor Mars... 🙆