Boa Hancock

女帝 Boa Hancock

新事物可以令人唔自然, 唔敢試.
同樣, 可以俾到人新鮮感, 克服嘅推動力.

好想挑戰吓呢啲奇怪嘅角度, 又未劃過女帝, 啱晒... 👀

Jewelry Bonney

Jewelry Bonney

今期劃吓 Jewelry Bonney.

惡魔果實嘅能力係可以將人(包括自己)嘅年齡變大變小.
佢又有個外號叫"大胃王", 因為食量驚人, 但係又唔見佢增磅.

俾我簡, 我就寧願食極都唔肥... 🍮🍯🍰🍱🍲🍩🍪🍟🍨🍠🍖🍗🍕🍔🍎

Camie & Pappag

Camie/Keimi & Pappag

喺 One Piece 嘅世界, 有分人魚族 (Merfolk) 同埋魚人族 (Fish-Men).
人魚就比較和平, 魚人就比較多戰鬥格嘅代表.

Camie 係人魚族, 完全唔識打所以常常俾人捉.
Pappag 身為一隻海星, 就梗係幫唔到手, 咪成日俾人順手捉埋...

捉嚟做乜? 捉去賣囉... 🤑🤑🤑

今日嘅成語係... "任人魚肉"... 😂😂😂

Perona

幽靈公主 Perona

Perona 喺 Thriller Bark 出場時係大奸角嘅四司令之一.
Time Skip 之後由反派轉為中立.

佢嘅超能力係可以召喚幽靈攻擊人... 👻👻👻
勁就勁在佢啲幽靈係可以令人沮喪, 志氣消沈.😨😰😱
即係話, 令到敵人連打都唔想打任佢魚肉...🙇🙇🙇

人哋都冇郁手亦都唔想郁手, 咁算唔算 "勝之不武" 呢? 😃

Nami 娜美

拜金女 娜美

劃咗三篇 Robin, 今期劃吓令一位女主角 Nami.
佢係草帽海盜團嘅航海家 - Navigator. ⚓
性格上, 好鍾意錢, 非常貪錢. 其至見到人哋嘥錢都會肉痛.💸💸💸

初初係因為細個窮, 又要酬錢還貴利咁贖番條村, 所以就成日要揾錢.💰💰💰
即使咁見錢開眼, 去到重要關頭喺錢同人之間, Nami 總會選擇保護人救人.

價值嘅實踐好多時就係咁, 喺二選一嘅時候, 你點攔? ✅❌
再講, 價值 value 唔等同價錢 price, 唔係所有嘢都可以用錢嚟衡量.

冇人話錢唔重要, 亦唔係話錢冇價值, 但係咪世界上冇嘢比錢更有價值?

Miss All Sunday

Robin 第一次出場係以化名 Miss All Sunday, 當時係犯罪集團 Baroque Works 嘅第二把交椅.
曾經醉心於歷史, 考古學嘅學者, 八歲就已經被認為係考古學嘅天才生, 又點解會做咗 BW 嘅一姐?

如一貫嘅 One Piece 作風, 梗係長篇大論咁講佢嘅童年, 成長期間嘅故事.

因為 Robin 嘅媽媽 Nico Olivia 出海去揾遺跡, 兩歳就要住喺舅父度.
好似 Harry Potter 咁, 由要瞓樓梯底, 連早餐塊麵包都唔准用花生醬.
離開咗佢哋之後, 一次又一次咁俾人出賣, 所以漸漸生存之道就變咗唔再信人.
而冇咗人類最基本嘅信任, 就自然乜嘢都只會諗到自己嘅目的同好處.

英文有一句話:
Fool me once, shame on you.
Fool me twice, shame on me...

你今日遲到 15 分鐘, 人哋即使下次仲肯約你, 仲會唔會咁準時出現?

Nico Robin - 生きたい！

生きたい

有睇過 One Piece 嘅, 都會記得 Nico Robin 喺 Enies Lobby 嗰幕.

就如上期講到, Nico Robin 嘅性格係好少大哭大笑.
曾經係 Baroque Works 嘅第二把交椅, 一直都好硬正, 似乎對一切事情都睇得好淡咁.
即使俾 "正義之海軍" 拉去處決, 都叫其他人唔好嚟救佢.

但到咗 The Gates of Justice, 就淚流滿面地決定 "我要活下去!!!". 😭😭😭


PS. 原本嗰句係用 !!!! 但係畫中嘅表情就唔係好合襯, 所以用咗 ....

Nico Robin

近期又開始睇番 One Piece, 就手痕要用呢一年嚟嘅畫風嚟試吓刀.
可能因為自己 old seafood 🍤, 所以一直都好鍾意 Nico Robin.

Nico Robin 係一名考古學,歷史學家.
佢性格冇其他角色咁搞笑, 所以大吵大鬧嘅畫面唔多.
但係, 見到古代或有歷史價值嘅文物俾海軍炸毀, 就會嬲爆!

歷史係一連串嘅數據 "data".
最有價值嘅數據, 就係原有嗰啲 "original source".
冇咗呢啲 original source, 就只會有二手資料.
而加幾多, 減咗幾多, 就視乎經手人嘅意圖囉... 🧂🧂🧂

造假

應該估到近期睇咗邊套電影...
有啲作品睇完,聽完就會令人繼續思考, 就係 food for thought 嘅意思.

思考就好似整麵包時發酵咁.
要有麵團 (dough) 即係題材, 亦要有酵母 (yeast) 即係 axioms/principles.
另外, 好重要嘅係"空間".

好嘅作品就係提供一啲搓得好嘅麵團俾觀眾.
好同壞好多時就取決於有幾多"空間".
搓得太鬆就好難揾到重點, 東一惚, 西一惚.
搓得太實就根本冇空間可言.

以前睇開90年代嘅 sitcom, 好多都用 canned laughter 去教觀眾笑啲乜, 幾時笑, 笑幾耐.
今時今日, 一個鏡頭拖足十幾秒, 慢鏡重複又重複, 不停咁用 sound effect, 仲要大大隻字嘅標題, 劃公仔劃埋條盲腸, 驚你唔識笑...

Mad Love 嘅 Joker 有一句: "If you have to explain the JOKE, there is NO JOKE!"

Zatanna

the Pledge, the Turn, the Prestige...

今期劃嘅係 Zatanna.
Zatanna 係魔術師 (Magician/Illusionist) 🎩, 亦都係魔法師 (Magician/Sorceress) ⚡.
只要噏幾個字就唔洗郁手都夠打.

字係一種工具, 係可以將構思(Concept) 或概念(Idea) 具體化.
好似用放大鏡咁, 對得準就睇得更清楚, 對得唔啱就模糊, 仲衰過唔用.
當然, 既然可以"用", 就會有"用途", 更會有"用意"...

講番 Zatanna, 基本上佢嘅敵人都係用一招對付佢... 😷
大家自己諗吓係乜啦...

Kitty Pryde

Yes I'd like to visit the moon, but I don't think I'd like to live there...

今期題材係 X-Men 嘅 Kitty Pryde 同埋佢嘅伙伴 Lockheed.
佢嘅能力係可以穿過物體,後期講到可以穿越時空 (X-Men:Days of Future Past).

近期常常聽番以前 Ernie (即係 Jim Henson) 唱嘅 I don't want to Live on the Moon.
有睇開以前未係乜都 Elmo 嘅 Sesame Street 嘅中坑會知道 Ernie 係一個樂觀, 成日嘈到 Bert 冇得瞓, 有創意嘅非一般角色.
喺 Ernie 咁多首歌之中,呢首有啲唔合性格.
撘火箭上月球,海底探險,聽獅子咆哮,同恐龍玩...
係呀,好新奇,好得意,好有趣,即使有得去試,最後都會想番屋企.

細個嗰陣只係覺得首歌好聽,但係大個咗聽番對佢嘅欣賞層次就完全唔同咗.
歌詞好簡單,6歳嘅細路都識嘅字,然而大人往往就係想要番呢啲"簡單".

Starfire

Starfire 譯作 星火, 好正常.
咁佢嘅原名 Princess Koriand'r 係咪應該叫 莞茜公主？ 😂

無論邊個版本嘅 origins 都大同小異, Koriand'r 同佢家姐 Kommand'r 唔啱, 掙皇位.
掙到打仗時, 大嘅出賣個細嘅, 然後一齊俾人捉咗去做實驗.
個妹原本走得甩, 但係為咗救個家姐, 就自己俾人捉番.
當然, 最後都走得甩, 唔係仲邊會有呢個角色.

Starfire 嘅概念源於 Red Sonja, 依個人意見, 係比較 fan service 嘅角色.
即係話, 讀者想睇乜,就寫乜...🤑🤑🤑

Jubilee

又有人譯做"歡歡"... 國寶咩...

終於有個比較似真名嘅角色: 李千歡 Jubilee/Jubilation Lee.
原作者應該唔係古龍fans,所以同小李飛刀李尋歡係冇血緣關係. 🤭
好彩唔係以拼音譯名,唔係就九成譯咗做李朱比... 🐽

點解會劃 Jubilee?
前幾日,屋企嘅購物部主管買咗部 Switch, 為咗跳 Just Dance. 💃💃💃
叫得 Just Dance 又點少得 Disco, 而 Disco 又點可以唔跳經典中嘅經典: Earth Wind & Fire!
之後有好幾日都唔夠瞓, 就發現原來聽住 EW&F 喺度 ngun 係比起飲7杯咖啡有過之而無不及...🕺🕺🕺🥤🥤🥤🥤🥤🥤🥤

根據非正式而又客觀嘅觀察,聽緊 EW&F 嘅 Let's Groove 或者 September 嘅時候, 係好難唔開心嘅.😎😎😎
真係勁, 30幾年前嘅歌仲有咁嘅功效! 💿💿💿

Raven 烏鴉

Raven

又係一個唔google都唔知中文譯名嘅角色: 烏鴉.

其實, 係陪啲細路睇 Teen Titans Go 先至知有呢角色.

Teen Titans Go 嘅版本就好簡單, Raven係個半人魔,特徵就係有啲情緒失控而令到超能力失控.

睇 wiki 先知道漫畫嘅版本有幾黑暗... 👥

如果只係睇咗一個版本, 仲要係擺到明有晒 target audience 嘅版本, 會覺得佢只係一個 kid-friendly 嘅角色.

所以, 唔好睇完電視播乜就當自己係專家... 🙋

混血兒 She-Hulk

混血兒都係靚啲?

今集主角: Jennifer Walters 因為接受咗表哥 (Bruce Banner) 嘅輸血而有咗變大隻嘅超能力.
大隻嗰陣就係 She-Hulk.💚
叫得 She-Hulk 同埋睇個款就知佢係力量型,但係,佢亦係一名律師 📑
角色有呢兩種特徵,所以佢會有情節講佢打官司,唔係齋打鬥場面.
最重要係唔會一變大隻就冇腦,淨係識得用拳頭解決.

好多人一提到"混血兒"都會諗到"靚仔,靚女".👨👩
理由大概係因為佢哋嘅基因組合比較少見, 但更有可能係佢哋得到 the best of both worlds.
相反,喺動物世界就冇咁一面倒,會有人叫 Cross-Breed 🐶, 亦有人叫 Mongrel🐺.
前者話佢哋獨特, 後者怕佢哋性格難預料.

She-Hulk 就係嗰種 Best of Both Worlds 嘅混血兒 - 文武雙全 ✎👊

P.S. 我唔算係 She-Hulk 粉絲,但係要揾資料嚟作篇文,又有幾難? 💁

Poison Ivy 毒藤女

唔 Google 都唔知原來 Poison Ivy 係譯作"毒藤女"

根據非正式統計, Poison Ivy 係嗰啲 "見過,唔係好識" 嘅角色.
雖然 Poison Ivy 出場係比 Harley Quinn 早幾十年, 但多好多人會認得出 Harley.
大概係因為近幾年都冇拍過有 Ivy 嘅電影 (電視劇要subscription 所以唔算).
冇大製作嘅角色就只得啲漫畫 fans 對佢有求知意欲. 🙈🙉🙊

其實, 好多人連 DC 同 Marvel 都未分得清... 😐😐😐

Luna Girl

其實,只係睇過幾集 PJ Masks, 唔算對佢好熟.
但係咁多細路鍾意睇就固然有吸引之處.
簡單啲講,幻想即使唔係現實嘅解葯,亦可以算係一種甜品.
就如 Stan Lee 所講, if you're able to entertain people, you're doing a good thing.

Thanks Mum

Always on standby

Thanks to the mums who give up so much and put up with even more.
😘😘😘

耐人尋味

陳小姐

老夫子係一本非常特別嘅漫畫. 其特別程度可以話係獨一無二。
細個唔識睇中文,更睇唔明嗰啲近乎草書咁嘅字,但仍然每個禮拜都好期待爸爸買新一期嚟睇。
實在要多謝我阿姨嗰時讀俾我呢個文盲聽。。。 😘
但係即使唔知佢啲字寫乜, 齋睇圖都可以好好笑。

老夫子獨特嘅原因其中之一就係好難形容佢到底係講乜。
佢冇主線故事,只有幾個固定角色。
有角色關係, 但係呢啲關係又唔係好重要。
就連老夫子係嗰咩角色都冇辦法形容。
呢個特質係比起其他 4 格漫畫, 例如 Snoopy, Garfield 更無限制。

咁一個咁冇結構嘅公仔書又點解會咁有市場？
大概係因為佢嘅背景都係放喺當時嘅香港,題材都常常講一啲當時嘅社會現象。

更有可能嘅係, 呢幾十年嚟嘅讀者都相信有一日參透咩叫「耐人尋味」。。。🤔



🤔🤔

綠色偶像

細個睇英文台有兩個好有趣嘅角色, 而咁啱兩個都係綠色.

一個就係近十年嚟多咗好多人識嘅 The Incredible Hulk.

而令一個應該係相對少咗細路仔識嘅 Oscar The Grouch.

有趣嘅地方係, 佢哋一定唔會係 role model, 但又唔係壞人, 係好特殊嘅角色.

正正因為佢哋怪怪哋, 所以有市場.

Hulk 嘅吸引力, 大家都應該明白, 不過都喺度講吓.

非唔非正式統計都好, 佢嘅能力就係一般人嘅原始運作模式 - 唔 like 就用拳頭解決, 而我個拳頭一定比你大!!! ✊✊✊

相信唔少父母都用過呢種方式教仔, 所以, 我都冇乜點聽過嗰時啲父母話唔俾睇... 😂😂😂

而另一方面嘅芝麻街陀地 Oscar, 根據簡單數據分析 (即係我自己), 就代表住一種 "我行我素" 嘅形象: 

唔需要聽任何人講, 有嗰句講嗰句, 唔俾面就扲埋個垃圾蓋費事採你! 

最重要係... 唔鍾意沖涼就唔沖涼!!! 🚫⛔🛁

對於細路仔嚟講, 佢咪就係人生目標咯... 😇

講到芝麻街, 有好多智識係由嗰度學番嚟.

以前嘅兒童節目會好重點咁每日教一,兩樣嘢.

相對起今日嘅節日... 我想問, 到底 Baby/Mama/Grandma/成家 Shark 究竟喺度 Do 乜? 🦈🦈🦈🦈🦈

即使唔鍾意Hulk 或 Oscar 呢類型嘅角色, 起碼都有嘢俾你話係反面教材.

成首歌喺度 "do do do do do do" 都唔知可以教啲乜....? 😕😕😕

小忌廉

「我係小忌廉」應該係 80年代集體回憶之一.
記憶中,我好似朝朝早都有睇.
嗰個年代電視台唔多,所以好多電視節目都成為集體回憶.
概念雖然簡單,但內容有情節,有方向,所以即使集集都差唔多, 小朋友都會睇得開心, 唔會覺得悶.
不過,你問我故事講乜, 就只識答:主角會變身... (連主角變身前叫咩名都要靠Google...)

"簡單" 唔等於 "無物"...
下次再講...

呂布與貂嬋

 

想劃呢個題材好耐, 只係功力未夠.

以原著而論,呂布係一名奸角, 出塲時跟緊個大奸角, 之後又出賣老細, 仲攝埋佢牆腳...

但係, 睇今時今日嘅 pop culture, 呂布都會係一位氣宇軒昂, 武功高強, 戰無不勝 嘅型男 anti villain...👤

講到尾, 宅男都希望自己好似呂布咁: 靚仔, 高大, 好打, 有跑車 (赤兔🐴).
最最最重要嘅係... 媾到個女神... 👸

做忠定係做奸都唔係好緊要啫...
😂😂😂

PS. 有冇人知道點解呂布嘅標準造型都要有頭頂嗰兩條曱甴鬚?
三國嗰陣時應該唔會載住兩條咁嘅嘢去打仗呱, 貪方便咩....?

花旦哈妮

又一幅亂咁劃嘅 Harley Quinn.
總會覺得可以劃得更好, 但係又唔係劃嚟收錢,過到心理關口就算.
重要嘅係, 喺藝術路程上 quantity before quality 呢個概念.
明白到呢個道理,就唔需要太在乎係咪劃到展覽級先至出嚟見人.

火野麗

又嚟一幅從"零"感開始嘅畫.
過程就係一開始乜嘢靈感都冇,所以亂咁喺 google images 到 search, 揾到一幅鍾意嘅 pose, 就劃番啲唔洗太用腦嘅題材...

哈妮 裙

新嘅一年, 都唔知劃乜嘢題材好。

但係，如果要等到題材自己出現先至劃，就會少咗好多練習嘅機會。

所以，冇新靈感，就由舊題材出發，總會有啲地方可以有新嘗試。