 |
| 陳小姐 |
老夫子係一本非常特別嘅漫畫. 其特別程度可以話係獨一無二。
細個唔識睇中文,更睇唔明嗰啲近乎草書咁嘅字,但仍然每個禮拜都好期待爸爸買新一期嚟睇。
實在要多謝我阿姨嗰時讀俾我呢個文盲聽。。。 😘
但係即使唔知佢啲字寫乜, 齋睇圖都可以好好笑。
老夫子獨特嘅原因其中之一就係好難形容佢到底係講乜。
佢冇主線故事,只有幾個固定角色。
有角色關係, 但係呢啲關係又唔係好重要。
就連老夫子係嗰咩角色都冇辦法形容。
呢個特質係比起其他 4 格漫畫, 例如 Snoopy, Garfield 更無限制。
咁一個咁冇結構嘅公仔書又點解會咁有市場？
大概係因為佢嘅背景都係放喺當時嘅香港,題材都常常講一啲當時嘅社會現象。
更有可能嘅係, 呢幾十年嚟嘅讀者都相信有一日參透咩叫「耐人尋味」。。。🤔
🤔🤔
