Dragonball 龍珠

好耐冇post, 比較多用IG.

我唔算係龍珠嘅fan, 但總有睇過幾期. 話晒都係漫畫界嘅代表之一.

Cammy White

My Father's Shadow - 虎父無犬女? 😅

街頭霸王, 即係 Street Fighter,係喺80年代登場而引起咗一浪熱潮嘅遊戲機.
之前嘅遊戲都係以單打為主,例如麻雀,彈波子之類.
街霸就將整個打機文化由 打赢電腦 變成 打赢對手.  🆚

所以,當年好多家長都對呢種對打式嘅遊戲視如洪水猛獸,道德淪亡,衰到好似真係打跤咁...
大致上,理由不外乎 "太過沉迷", "打到幾叻都冇用", "提倡暴力"...
一句講晒... 就係 教壞細路!

一日到黑唔係做緊功課就補習,算唔算沉迷? 💹
除非你係要個仔做音樂家,彈琴彈到12級又好有用咩? 🎹
一年播幾套嘅故裝劇入面,又有幾多血腥,酷刑嘅畫面? 🔪 家長們又曾幾何時因為暴力而罷睇宮庭劇?🙈
讀書讀到只求分數唔求學識,品格,咁呢個細路又係咪算做教好咗? 💯💯💯


後語: 點解會借一幅 Cammy 嘅畫唻講呢啲?
因為喺街霸嘅角色背景故事入面, Cammy 係 M.Bison (即係將軍)個女.
好似 X-23 係攞 Wolverine 嘅基因而"生"嘅女咁... 👶👧👸
每一代都覺得下一代唔夠好,唔達標,其實係咪只係同自己嗰代唔同...? 🙈🙉🙊

春麗

一提到打街機,相信大部份年紀咁上下嘅人第一個反應就係諗到以前機鋪有幾黑暗...

但係,打街機就好似啲阿伯去公園捉棋咁... 👴
就如我哋唔會因為公園唔乾淨而否定象棋嘅𡥂在價值,我哋都可以分開"機鋪"同"打機"去評論.

打機係一種娛樂,亦有其技術上嘅要求.
好似唱歌,打波,大多數嘅人都唔會太認真,都係為咗娛樂吓自己. 🎤🎾
而打街機因為加入咗"對手"嘅元素,就將佢升級為一種"運動".

有競爭,要用腦,考反應,重要自費去練習,咁重唔係運動? 🏆🏆🏆

正唔正式嘅統計都好,以前嘅遊戲機係難打好多... 🎮🎮🎮